Eskolako kanpo espazioaren eraldaketaren proiektuak aurrera darrai. Elkarlanean eta auzolanean haurrek amestu eta diseinatutako jolasgunea gauzatuz goaz apurka apurka eta bertan genuen espazioa bera ere eraldatzen ari gara.
Argi dugu espazioa eremu hezitzailea izanik, bertako egitura, antolaketa eta diseinuak eragin zuzena duela eskeintzen eta sortzen diren jolas aukeretan eta nola ez, harreman motetan ere.
Horregatik, hasieratik proiektu honen ardatz eta abiapuntu hezkidetza izan da, Hezkidetza sustatu, haurrei jolas aukerak, aniztasuna, kalitatezko harremanak eta esperientziak eraikitzeko gune inklusiboak sortzeko helburuarekin. Berdintasuna eta aniztasuna errespetatu eta bermatuko duen Denontzako gunea sortzeko bidean gaude.
Hurrengo hilabete hauetan” Futbol Zelaia” hartzen duen espazioaren inguruko hausnarketa eta ondorengo eraldaketa gauzatzea izango dira gure erronkak.
Honetaz guztiaz aritzeko Martxoaren 18an, Hiruki Larroxako eta Oinherriko kideak izango ditugu gurekin.
Erdu eta parte hartu!
Haziak erein ditzagun gizarte parekide baten alde, Pertsona aske eta zoriontsuen bizileku izango den herriaren alde!!
Izen emateko: gunebiziak@gmail.com helbidean
(umezaintza behar izatekotan mezuan adierazi, haurraren izen abizenak eta adina jarri,mesedez)