STEAM EUSKADI ZIGILUA AITORTU ZAIGU!
Berritzeguneetako, Tknikako, Deustuko Unibertsitateko, EHUko eta Innobasque Berrikuntzaren Euskal Agentziako ordezkariek osatutako STEAM Euskadi Sarien 2. edizioko talde ebaluatzaileak 137 hautagai-zerrenda baloratu ditu, memorietan eskatzen ziren irizpideen arabera.
Prozesu hori amaitu ondoren, jakinarazten dizuegu gure ekimenak STEAM Euskadi ZIGILUA lortzeko baldintzak gainditzea lortu duela.
Gure ikastetxeko proiektuak STEAM Euskadi Zigilua jaso du, STEAM Euskadi Estrategiaren helburuetara bideratuta egoteagatik, STEAM Hezkuntza sustatzeagatik eta STEAM izaera edukitzeagatik. Azken urte honetan egin dugun lanaren fruitua dela esan genezake; gure egunerokoan ikasleengan zientziarako begirada eta motibazioa sustatu baititugu.
STEAM Euskadi Sariak Euskadiko STEAM Hezkuntzako praktika onenei egiten zaien aitortza dira. Eskuratutako emaitzak, inpaktua, berrikuntza maila eta neskatila, neska eta emakumeak erakartzea eta txertatzea hartzen dira aintzat.
Sariak zientzia, teknologia, ingeniaritza eta matematikari lotutako bokazio eta nahi profesionalak pizteko edo ikasleen gaikuntza zientifikoa eta teknologikoa hobetzeko lan egiten duten ikastetxeei eta erakundeei daude zuzenduta.
